مجتمعع مرآهقآت ® | آقلام تتألق في سماء الابداع
عزيزي الزائر الجديد
أشوف انك مستانس بـ الفرفرة في منتدانا
عشآن تسذا نقول لك حياك الله معنا
سجل عشان تستانس بالخصائص الكامله وتشاركنا برأيك ومشاركاتك
لـ تسجيل أدعس عَ التسجيل
اذا كنت عضو قديم قم الله لآ يهينك و سجل دخولك
عشأن أشيل أم ذآ الرسالة من قدامك



 
الرئيسيةالبوابة*اليوميةس .و .جبحـثالمجموعاتالتسجيلدخول

شاطر | 
 

  عرفته وحبته وعشقته و ماتت فيه من لعبه

اذهب الى الأسفل 
كاتب الموضوعرسالة
jihane #!
مديرهہَ المنتدى
مديرهہَ المنتدى
jihane #!

انثى مسآهمآتڪ : 3272
تقييمڪ : 56
تاريخ تسجيلڪ : 13/09/2010
عـمرڪ : 22
بلـدڪ : المغ ـرب ♥♡
مزآجڪ :
MMŜ :

مُساهمةموضوع: عرفته وحبته وعشقته و ماتت فيه من لعبه    الأحد نوفمبر 13, 2011 2:39 am

بسم الله الرحمن الرحيم



كل شي بدا ..
لما قررت العب ويا اخوي اللعبه السخيفه اللي على النت
خالد: للللللللللعبي عدل يااهبله !!
ساره : يووههه ماعرف ماااااااااااااعرف !!
خالد : ضغطي ضغطي على كل شي جدامج اي شي اي شي لا تخسرينا تكفين ياخبله
ساره : ضغ.. وهه سكررته هيهي
خالد : مالت علييج فتحي فتحي لا تخسريني
ساره : بعدين تعال شنو هاللعبه السخيفه اللي تلعبها شكبرك عمرك 18 و للحين مجابل هالالعاب اللي ف النت
خالد: ياسخييفه هاي لعبه حتى رجال الاعمال يلعبوونها , جووفي جوفي هاي اللي اسمه "ردااد" ف اللعبه
هاي عمره 27 لا و ازيدج من الشعر بيت بيتزوج عقب كم من يوم
هذا غير اللي متزووجين وعندهم عياال بعد
ساره : *منصدمه* ويييعه شنو هاي ماعندهم لا شغل ولا مشغله وهه وه مياانين مثلك
انا مالوومك والله لا قعدت تلعب زي الاهبل نفسهم
خالد : جب بس جب سمعي انا بكره بروح اقدم التوفل و ابيج تدخلين على اكاونتي و تسوين لي هالشي وجي وجي ...
ساره : لا لاااااااا له يبا انا ماعرف شي وبعدين تعال انا خل اعرف ادش الاكاونت من قبل
خالد : تكفيين سروووي بعطييييييج 100
ساره : اوووكي اتفقنا من الحين ادخل اللعبه هو انا كم خالد عندي
خالد : ههههههههههه اكبر منافقه عرفتها بحيااااتي
...
و في اليوم الثاني راح خالد عشان يقدم التووفل ودخلت ساره اللعبه
ساره : يووه شنو هاي بعد ماعرف .. وين الخرييطه وين
وهه وييي شسويييت اففف اسال حد؟ لا لا اخاف يقولون شفيه خلود اللي يعلمنا صرنا نعلمه فاللعبه
اممم طيب بسوي جي وج_...
> في الشات اللي ف اللعبه <
هلااااااااااا خلود
ساره: ويي منوو هاي !! اررد عليه ؟
- خلووود ياهوو وينك
ساره : اممم .. هلااا اخوي
- خلوود شبلاك صاير ذرب ههههههه
ساره : اممم انا مب خالد انا اخته
- ها اوهه امم سوري
ساره : لا لا عاادي
- ليش داخله على اكاونت اخوج
ساره : اسوي له الشي الفلاني
- تعرفين عليه ولا
ساره : لا والله ماعرف شي ههههه
- ههههه طيب انزين دشي على هالمووقع و حطي السماعات و سمعي شنو بقولج ف اللعبه عشان تسوين حق اخوج الل طلب منج
ساره : بس انا مايصير اتكلم اخوي !
- لا اتكلمين بس سمعيني
ساره : اووكي تسسلم
- العفوو
...
وعقب ماعلمها هالشخص كل شي تسوويه

ساره: مشكور اخوي ماقصرت
- لا عاادي , الا بسالج
ساره : تفضل
- انتي عندج لاعب بهاللعبه
ساره : اي عندي
- طيب شسمه ؟
ساره : * عطته اسم الاعب مالها*
- اوكي عيل اذا دخلتي وتحتاجين اي مساعده تعرفين اسم الاعب مالي
ساره : اي تسسلم .

بووووووووووووووووووووووووووو!!!!
سااره : وييييييييييييييعه!!!!!!!!!!!!!!!!!!!
خالد : ههههههههههههههه خرعتج
ساره : جب شتبي
خالد : ابي لاعبي عيل ابيج -_-
ساره : انزيين هاك لاعبك الخاايس
..
وراااحت ساره بسرعه غرفتها ودخلت على لاعبها
الا طلع لها ذاك اللي ساعدها على الشات مال اللعبه
- هلاااا
ساره : شيبي ذا النشبه شكله مغازلجي
ساره ردت عليه : اهلين
- محتاجه اي مساعده ؟؟؟؟
ساره : لااا .. امم ولا اقوولك اي ممكن تساعدني عشان اطور الاعب مالي
-حاضرين لاخت خالد الغالي
....
ومرت الاياام و هم على نفس الحاله هي تدخل وهو يكلمها و يلعبون مع بعض و يسااعدها عشان تطوور الاعب مالها
و في يوم من الايام ساره مادخلت اللعبه
وكان هالشخص يحااتيها واايد
- ياااربي ليش مادخلت ؟ يووه ليكون صاير شي !
ولا ليكون كنسلت لاعبها ! لاا لا مسستحيل مايصير
وي شفيني احاتيها وانا شعلي منها
وانا شكووو فييها خلني ادخل اللعبه العبه احسن لي
...
ساره : اوووه يماما اخرتيني على اللعبه ابي ادش اللعبه
ام خالد : وشو ! وشبلااها هاللعبه ماخذه كل تفكيرج يابنيه هالاييام جابلي دروسج وخلي عنج هالمصخره
ساره : ماااما انا مجابله درووسي والله بس بلييز يعني ابي راحه شويا
ام خالد : جابلي صلاتج
ساره : ماما الحمدالله انا مجابله صلاتي وديني وعن اذنج انا رايحه فوق باااييي
ام خالد : يهل بنت مجننتنا
..
ساره بسسسرعه طارت و فتحت اللعبه
الا تقول في نفسها
ليش انا مستعيله كثير على اللعبه ؟ الا لعبه
ولا ليكون انا تعلقت اللي في داخل اللعبه .. والله وحشني !! اوهه وشش هاي الكلااام لا مايجوز عيب ساره عيب
وه شفيني اكلم رووحي صج انخبلت
..
اول مادخلت اللعبه
- السسلام عليكم
ساره : ويييه خرعتني توني ماقلت بسم الله
- هههههه
ساره : وعليكم السلام كيف الحال
- ماشي الحال وانتي
ساره : اووكي وطيبه ... امم الا ممكن سوال؟
- امري تفضلي
ساره : انا صار لي تقريبا شهر العب وياك ولا عرفت اسمك .. شسمك؟
- سالم
ساره : اهااا عااشت الاساامي وانا ساره
سالم : عااشت ايامج , ليش غيبتي يا ساره
ساره : الا يوم وااحد هههه
سالم : هههه اوكي خل نلعب
ساره : اوكي
.. و بدوو يلعبوون
وحست سااره انها تحببه
وانها اصلا كانت تحبه من زمان بس تجبر نفسها على الشعور العكس
وخلااص ساره اعترفت لحالها انها طايحه بغرااام ساااالم
وايضا سالم اكتشف انه هوو ييحبها
لكن حبهم كان غير طبيعي
كاانوو يمووووووتو على بعض بس محد قال للثاني
كل واحد على باله ان الحب من طرف واحد
..
وبدت ساره تلعب ويا ناس اجانب ويا سالم و صارت شوي شوي تتعلم على اللعبه و تعشق سالم اكثر و اكثر
وسالم بعد صار 24 ساعه وياها ويحبها اكثر و اكثر
.. الا ساره غلطت في اللعبه و خسررتهم
وكلهم انقلبو ضهدها الا ساالم
اكييد لانه سالم حبيب القلب ماينقلب على حبيبت قلبه
بس سالم كل يوم يفكر بحاله انه هي اصلا ماتحبني لازم ماحبها انا مااحبها مااحبهاااا ماحب ساره
وساره المسكينه على امل انه يحبها وماتدري انه يحبها و يموت فيها
....
الا جات الايام السووده لساره المسكينه لما قرر صديق سالم انه ..


يتبع في الجزء الثانيّ~ ..



-


.3.3 .3.3 
 
الرجوع الى أعلى الصفحة اذهب الى الأسفل
http://morhgin.mam9.com
jihane #!
مديرهہَ المنتدى
مديرهہَ المنتدى
jihane #!

انثى مسآهمآتڪ : 3272
تقييمڪ : 56
تاريخ تسجيلڪ : 13/09/2010
عـمرڪ : 22
بلـدڪ : المغ ـرب ♥♡
مزآجڪ :
MMŜ :

مُساهمةموضوع: رد: عرفته وحبته وعشقته و ماتت فيه من لعبه    الأحد نوفمبر 13, 2011 2:39 am

الجزء الثاني ّ~ ..


- سلووووم !!
سالم : هاا احمد شتبي
احمد : سلوم اسسمع حبيبتي تلعب اللعبه وياانا و ...
سالم : ههههههه احلف ! بعد !! ههههه
احمد : جب ياحيوان و اسمع خلني اكمل
سالم : انشاءالله
احمد : سالم حبيبتي تلعب اللعبه ويانا و رفيجتها تبي تتعرف عليك و لانها منعجبه فيك وحابه تعرفك
سالم : ومن ويين تعرفني و وين شافتني
احمد : شافتك وياي لما طلعنا لانه هي طلعت ويا حبيبتي و ..
سالم : اي خلاص فهمت
احمد : طيب شراييك؟ ترا البنت تجنن
سالم : * يفكر ويا نفسه هالفرصه جاته لين عنده فرصه انه يقدر ينسى حب ساره و يروح لوحده يعرف انها تحبه*
سالم: اممم مادري ياخي والله
احمد : يااهبل والله لا تفووتك
سالم : انزين انزييين يه بس لا تعوور راسي
احمد : ابششر ياحلوو من بكره هي بتبتدي تلعب وياك
سالم : * وسااره؟؟ ساره كله تلعب وياي !* امم اوكي
..
وبدا اليوم الثاني
وسالم يفكر في نفسسه عيل مايصير الا اخلي ثنينهم يلعبون وياي انا ماقدر اهد ساره والعب على طول ويا هالبنت اليديده
سالم في الشات : هلا ساره اخبارج
ساره : بخيير وانت شخبارك
سالم : امم تمام ساره في وح...
ماوعينا الا البنت الجديده داشه الشات
- هاااااااااااااي سالم
سالم : اهلين
ساره : من ويانا؟
- منوو هاي؟؟؟
سالم : وييت ويت ! ساره هاي امم وحده بتلعب ويانا هالفتره
ساره : اها وحده اوكي * ساره نار بقلبها *
- منوو هاي رد علي سالم
سالم : صبري صبري , هاي ساره تلعب وياي من قبل
- اها
ساره : تشرفنا
- الشرف لي انا مريم
ساره : عاشت الاسامي يامريم انا ساره
مريم : اها ادري
ساره : امم اوكي
مريم : سالم وينك
سالم : موجود
مريم : انزين خل نبدا نللعب يلاا
سالم : اوكي
....
وبدت فتره وصاارو يللعبوون ويا بعض و ساره غيبت عن اللعبه لانه كل ماتدخل اللعبه تحصل مريم ويا سالم
و بدت ايام ساره السووده وصارت تبكي وتبكييي حييييييييييل في كل ليله تبكي من قلبها لانه حبيب قلبها الاول صار يحب غيرها
و كل امالها تلاشت على انه يحبها
وبقت على هالحال لمده نص سنه وكل مايكلمها ساالم ترد عليه بنفس وايد خايسه
الا جا اليوم اللي ساره كانت مغصوبه تلعب ويا مريم و سالم عشان تاخذ غرض حق لاعبها
و يوم خلصو اللعب سالم كلم ساره على الشات
سالم : عجبني لعبج اليوم
ساره : .. ماردت عليه
سالم : الووو ويينج !!
ساره : .. لحين ماردت
سالم : ترا قاعده اجوف لاعبج يمشي ردي علي !!
ساره انتي زعلانه مني؟
ساره : افف ها خير شتبي ترا لعوزتني
سالم : اسف
ساره : ماردت علي
سالم : ليش كل ما اكلمج تردين علي بنفس خايسه
ساره : شدخل !
سالم : امبلاا لا تكذبين
ساره : لا تقول اني كذابه انزيين
سالم : انا ماقلت لج انج كذابه ..
ساره : روح خلاص ترا لعووزتني رووح عند مريم شعندك ماتلعب وياها الحين
سالم : امبله العب
ساره : اها انزين روح روح لهاا
سالم : بسالج سوال ممكن؟
ساره : لا
سالم : انتي تحبيني كحبيب؟
ساره : ها ؟ شنو هههههههههههههههه ضحكتني لا انت نفس اخوي اوكي !
سالم : اها اوكي ... ومنحبط
ساره : شنو مناسبه هالسوال
سالم : ولا شي بس جي
ساره : اها اوكي
وسكرت اللعبه قبل لا يرد عليها
و ردت تصييح و تصييح على حالها هالمسكينه
ساره كرهت اللعبه بس تممت فيها عشان اخوها خالد
ومرت السنه
وساره صاارت تشوف سالم متعلق في مريم حيل و كله و يا بعض يلعبون او مايلعبون تحووفهم يسسون اشياء سخييفه لكن مستانسين حيل ويا بعض
وسااره المسكينه كل مره و مره يزييد الحقد والناار و الدموووع اللي بقلبها في كل يوم تجوفهم ويا بعض
و سالم نسسى ساره وبدا يلعب ويا مريم و حبهاااا و مريم حبته وساره تحب سالم من قبل طرفين لكن الحين حب من طرف واحد
و مرررت الاياام ..
.. ومريم فاتحت ساره بموضوع سالم
مريم : هلاا اخبارج
ساره : بخير
مريم : ماتبين تسالين عن احوالي؟
ساره : ها ؟ اي صح اخبار
مريم : بخير, ابكلمج بموضوع سالم
ساره : خير
مريم : ساره تدرين سالم وايد فاتحني بموضوعج من زمااان و قال انه يحبج وايد و من زمان و هاي الشي جرحني لانه انا بعد احبه
بس هالشي مايمنعني اني اقولج اياه الصراحه انا خلاص طفح الكيل من كثر مايسولف لي عنج
........... ساره ؟؟ ساره انتي موجوده؟
ساره : *انهارت من البكي توها تدري انه الحب كان من طرفين و هم هدمو حبهم بدون مايحسون*
ساره : اي وياج بس مريم خلااص انا ماحبه *ساره تفكر ف روحها انه خلااص سالم تعلق في مريم و نسااااااني*
مريم : انزين بس ...
ساره : جوفي انا مايهمني انتي بعد ماتعرفين شكثر يسولف لي عنج وانتي بعد قلتيها بنفسج من زمااان صارحج بهالشي بس الحين هو ماتجوفينه يحبج و يستانس وايد لما تلعبين وياه او تسولفين معاه
مريم : صج ؟
ساره : اي يحبج ما يحبني بس يمكن يبيج تغارين
مريم : واي فديته
ساره : * انهارت من البكي *
مريم : الله يطمنج بالخير لاني صج حبيته وهو بعد حبني و ترا صارحني انه يحبني
ساره : خلااص سكرت اللعبه و عاشت ف احزاااانها بروحها و قفلت على دنياها باب
.. ومرت سنه على السالفه
وسالم صارح ساره لاول مره


يتبع في الجزء الثالثّ~..



-


.3.3 .3.3 
 
الرجوع الى أعلى الصفحة اذهب الى الأسفل
http://morhgin.mam9.com
jihane #!
مديرهہَ المنتدى
مديرهہَ المنتدى
jihane #!

انثى مسآهمآتڪ : 3272
تقييمڪ : 56
تاريخ تسجيلڪ : 13/09/2010
عـمرڪ : 22
بلـدڪ : المغ ـرب ♥♡
مزآجڪ :
MMŜ :

مُساهمةموضوع: رد: عرفته وحبته وعشقته و ماتت فيه من لعبه    الأحد نوفمبر 13, 2011 2:41 am


الجزء الثالث

وسالم صارج ساره بحبه لها


سالم : ساره ممكن اكلمج شوي؟
ساره : نعم
سالم : ساره انا ترا حبيتج من اول ما بديت العب ويااج و وايد حبيتج بعد بس ..
ساره : الحيين تعترف لي انك تحبني !! الحيين.؟ من عقب ماعيشني بعالم احزان و كآبه عالم ولا مره دخلته بحيااتي وانت دخلتني اياه و قفلت عليه !
سالم : بسس يا ساره انا شدرااني انه انتي تحبييني ! انا على بالي ماتحبيني لانه يوم سالتج قلتي لي انا احبك كأخو وهاي الشي صدمني و حطمني لاني حبيتج ك_حبيبه و ..
ساره : انت ليش ماتعترف لي انك تحبني و الحين خلاص شالفايده من اللي قاعد تقوله الحين ! انا كنت احببك بس الحيين خلاااص ماواطنك * سارره تكذب على رووحها هي لحين تحب سالم*
سالم : الغلط مني ومنج وانا اعتذر لج لاني ماصارحتج
ساره : لا تقول انه الغلط مني اوكي ! الغلط كله منك انت خليتني اعششقك انت واحد ماتستاهل حبي
سالم : انتي معصبه و ماتدرين شقاعده تقولين
ساره : معصبه و استووعب شقاعده اقول !!
سالم : انزين هدي اعصاابج انا اسف
ساره : انزيين افف خلاص
وساره سكرت اللعبه .. وبعد 10 دقائق فتحتها
الا طلعت لها مريم في الشات ...
مريم : سااره انا ملييت من سالم ساره انا ما احب اني احب واحد ادري انه كان يحب وحده
وادري انج لين الحين تحبينه ادري والله ادري وانا حيوانه اذا اخذت منج شخص تحبينه و هو يحبج
ساره : مريم شفيج انا ماحبه وهو يحبج شبلاج
مريم : صدقيني والله ان اماحبه ماابيه اقدر اجيب 10 غيره بس اخذيه بليز ما ابيه
ساره : وهي لعبه ماتبينه خلاص انا اخذه ! مريم انتي يمكن تكونين سبب في انج تخلينه مضايق وزعلان طول عمره
مريم : والله انه كلامج كبير بس والله شسوي انا ماقدر اسستحمل و قلت الكلام نفسه لسالم و سالم رفض انه يخليني و يقول لي لا تسبين روحج
ساره : اي والله لا تسبين روحج و جوفي هو متعلق فيج الحين
مريم : ادري بس انتي لحين تحبينه وانا مابيه اذا انتي لحين تحبينه !
ساره : ها اا .. انا ما احببه خلاص انا احب ولد عمي
مريم : سااارره ادري انج تكذبييين
ساره : مريم انا شسوي هو مايحبني يحبج خلااص
مريم : انا عندي فكره انا بكرهه فيني وانتي تقربي منه شرايج
ساره تفكر في روححها والله هاي فررصه اني ارجع لي حبي الاول والاخير
ساره : امم مادري والله
مريم : عااااد يلا
ساره : اوكي بس شلوون
مريم : مثل ماقلت لج انا بكرهه فيني و انتي تقربي منه اوكي
ساره : مادري امم اوكي
مريم : اوكي حلو
و بدو الخطه مريم و ساره ومرت الايام و مريم صارت تبتعد عن سالم اكثر و ساره تحاول تتقرب منه قد ماتقدر
بس سالم حس بهالشي وصاح فيه مريم
سالم : مريم انتي ليش تبتعدين عني انا احبج
مريم : بس انا ماحبك
سالم : شلون ؟ بس انتي قلتي لي انج تحبيني و انا قلت لج انا احبج
مريم : لا انا ماحبك ساره تحبك
سالم : تدرين اني قبل احب ساره بس الحين احبج انتي
مريم : بس سالم انا حيوانه اذا خذتك من ساره قبل
سالم : لا تسبين نفسج
مريم : الا بسب نفسي هاي اللي انا سويته مو حلو بحق ساره
سالم : بس مريم ..
مريم : سالم قلت لك مااحبك خلااص والحين ابيك تروح لساره و تقول لها انك تحبها
سالم : انا مو مجبور
مريم : اذا تحبني بليز عشاان خااطري قول لها والله البنت متأذيه وايد منا خربنا دنيتها
سالم : بس مريم انا احبج
مريم : وانا مااحبك ! انت ماعندك كراامه يا اخي قلت لك ماحبك !!
سالم : طيب اوكي
.. ودخل سالم الشات على ساره
سالم : ساره ابي اقولج شي
ساره : امر
سالم : انا .. احبج
ساره بس انت تحب مريم
سالم : هاا اءء لا ماحبها احبج
ساره : صج ؟
سالم : ايه
و مر يومين على حال سالم و ساره و مريم
وساره فرحااااااااااااااانه جدا هلايام و راااايقه
ساره : خلووووووووووووووود فدييتك امواااح
خالد : ويعع وع وخري عني
ساره : اححبك اخوي
خالد : حبتج القراده
ساره : مشكور
خالد : العفوو اي وقت يالقراده
... وفي ثالث يوم لساره و سالم
ساره حسست بشي مو طبيعي
في سالم يوم تكلمه عالشاات
ساره : سالم ادري انه صعب عليك تنسى مريم لانك حبيتها
بس انت حبيتني بعد لا تنسى هالشي
سالم : ساره انا لحين احبها و مشتاق لها
ساره اهني انصدمت و اخنقتها العبره
سالم : تكفيين يا سااره رديها لي رديها ليي ارجوج
ساره ماقدرت تكتم غضبها عليه
ساره : انت وااحد ماتستحي على ويهك انا الحيوانه اللي حبيت امثالك و مريم بكلمها لك لكن مو عشاانك عشان غلاتها و ربي انت واحد ماتنوووصف ! انا ماحححبك مااااااااااااااحبك !!
سالم : ساره شسوي
ساره : لا تسووي شي خلاااص امسحني الحين
!!
وساره طلعت من الشات و ردت على حالتها القديمه لكن بشعور اخس و حزن اكثر و ضيقه صدر خانقه
و لكنها كلمت مريم ...





يتبع في الجزء الرابعّ~ ..



-


.3.3 .3.3 
 
الرجوع الى أعلى الصفحة اذهب الى الأسفل
http://morhgin.mam9.com
jihane #!
مديرهہَ المنتدى
مديرهہَ المنتدى
jihane #!

انثى مسآهمآتڪ : 3272
تقييمڪ : 56
تاريخ تسجيلڪ : 13/09/2010
عـمرڪ : 22
بلـدڪ : المغ ـرب ♥♡
مزآجڪ :
MMŜ :

مُساهمةموضوع: رد: عرفته وحبته وعشقته و ماتت فيه من لعبه    الأحد نوفمبر 13, 2011 2:42 am

الجزء الرابع و الاخير

وساره كلمت مريم معى انها كانت تبي سالم لحالها و تبيه لها
لكن ماتقدر تجبر سالم يحبها دام قلبه يحب مريم
ساره : مريم
مريم : هلاا
ساره : ابي اقولج شي بس لا ترديني
مريم : امريني
ساره : مريم سالم متعلق فيج و يقول لي انه اردج له
مريم : نععم؟ شفييه هاي مايستحي على ويهه ماعنده كراامه هين انا برااويج فيه
ساره : مريم صبري شبتسوييين لا تسوين شي نندم عليه
مريم : سكتيي ولي يررحم واالدييج خليه علي
و مريم دخلت على سالم في الشاات وهي معصبه و مفوره
مريم : انت شفييك انت ماعندك كرامه ماعند احساس ترووح تقول حق البنت اللي تحبك ردي لي مريم ؟ شنوو انتاا !!!!
سالم : مريم انتي علقتيني فيج انا شسوي !
مريم : ياااخي انا مااحبك مااحبك
سالم : امبله تحبيني
مريم : انا ماااحبك دام عرفت انه جي نواياك و بعدين تراك رااعي بناات !
سالم : شقصدج !
مريم : فااهم قصدي عدل
سالم : لا عاد احترمي حالج ولا تنسين من انتي , انتي اللي قلتي تبين تتعرفين علي و تحبيني وانتي اللي اي واحد تجوفيه تبين تتعرفين عليه مني و الطريج
مريم : لاا عاد لين هني و بس ياراعي البناات احترم نفسسك انا اشرف منك فااهم وانت اللي ماعندك احسااس و بااررد !
و مر يم طلعت من اللعبه و الشات و ايضا سالم عقب هالمناجرة نساا حب مريم من القهر اللي بداخله والكلام اللي قالته
لكن ساره المسكينه الحين محتاااره تررد له ولا شنو ؟ تفكر يحبها ولا لحين ؟؟
بينما سالم كان يفكر لنه ليش تررك ساره و راح حق مريم المفروض انه يعرف انه مريم تحب الشباب واحد واحد
لكن ساره و سالم الحين
تصااااااااااااااااااالحوووا و حبوووو بعضضضهم مره ثااانيييه و كل شي صاار اوكيي وصارو يتقاابلوون و كان حبهم بعد كبيير ماينووووصف
لكن جا ذاك اليوم يوم اتصل سالم على سااره
سالم : الوو
ساره : الووو هلااا حبيبي
سالم : اهلين حبي
ساره :اخباارك
سالم : مب بخير و جايب لج اخبار كلش مب حلوه
ساره : خييير شفيك عسى ماشر
سالم : بصرااحه ماعرف شقوولج
ساره : ساالم تكلم لا تخرعني
سالم : امي
ساره : شفييها امك
سالم : امي تبي تخطبني و مصصرره على هالشي
ساره : هاا ؟ انت تتغشمر معاي صح
سالم : اتكلم من صجي والله انا ماعرف شقوولج
ساره تمت ساكته ودموعها تنزل بسكاااات
سالم : ساره ويينح ؟؟ سااارره الو
ساره : م.. موجوده
سالم : انا حاولت اوقف في طريجها و اقول لها ما بي بس هي صاحت وانا ماتهون علي دمووع امي تنزل على شاني
ساره : طيب طيب و المطلوب؟ تدري سالم انا من زمان كنت حاسه مافي نصيب بينا
سالم : بس يا ساره
ساره : خلااص رووح اخطب امك تبي هالشي خلاص روح وانا بحاول انساك
سالم : انتي قاعده تتخلين عني شلون يهون عليج
ساره : انت اللي قاعد تتخلى عني شوي شوي شتبيني اوقف جدام امك واقول انا ابي ولدج
وانت مثل ماقلت دمووع امك ماتهووون عليك خلاااص يا سالم لا تتصصل مره ثانيه على هالرقم امسسحه فااهم امسحه و من هاللحظه انت بس شخص غريب ماعرفه ولا يعرفني
سالم : ساره صبري ..
لكن ساره قفلت الخط على سالم
اهني يا ايها القراىين انتهى كل شي عقب هاللحظه سالم تزووج و هو مغصوب ولكن انجبر على حبها ولكن سالم كره الحب بكبره
و ساره
سااره
ساااره ..
..
..
..
..
..
..
..
..
..
..
..
..
..
..
..
..
..
..
..
ساره في غيبوبه من الصدمه اللي صارت لها
و سالم مايدري عنها وعلى باله انها مسحت او غيرت رقمها
لكن عقب شهر تقريبا ساره قامت من غيبووبتها و كملت حيااتها كنه ماصار شي
ومرت 3 سنين و في احد المجمعات تلاقت عينها بعين ولد سالم في احد المجمعات و سالم كان شايله
سالم ماجاف ساره لانه كان مشغول يلعب ويا ولده ولكن ساره اللي دمووعها تنزل بسكات وهي مبتسمه على هاللحظه الحلوه اللي تمنت انه هالولد يكون ولدها بس ساره استغربت انه وين ام الولد ؟
سالم لمح ساره وانصدم لكن راح لها بسسرعه و اخيرا لقى فرصه يكلمهاا
ساره حاولت تبتعد بس مسكها من يدها و قال لها
سالم : سااره تكفيين سمعيني
ساره : شتبي؟ وهي قاعده تطالع ولد سالم الطفل المسكين اللي مب فاهم شي
سالم : ابيي .. ابي .. ابي اتزوجج
ساره : انت ماتستحي على رووحك ؟ موقفني جدام خلق الله وماسك يدي و تقولي ابي اتزوجج؟ ياخي وخرر
ساره مر جدامها شريط حبهاا القديم المدفون اللي داخل قلبها للحين موجووود
و عقب 3 ايام ..
خالد : ساااااااااااااااروووووو
ساره : ويييييييييييييييععععووو
خالد : بكلمج
ساره : خير
خالد : في واحد ياي يخطبج .. واحد من ربعي؟
ساره : من هاي ؟
خالد : سالم
ساره انصدمت بس سوت نفسها ماتعرف هالاسم لكن تمت تفكر من جد سالم تقدم لها؟ لكن كيف مو هو متزووج ؟
خالد : لكن ساره بقولج هو عنده ولد صغير لكن مرته توفت وهي تولده
ساره : هااا ؟ صج مرته توفت ؟ مسسكيينه
خالد : انزييين مووواافقه ياعروسه
ساره : مااعرف والله * ساره من الداخل فرحااانه فررحاانه*
خالد : اعتبرج مواافقه ! يييماا يا يمااا زغررطي ياوليه بنتج مواافقه ههههههههههههههه
ساره : هيييه تعال يااخبل ههههههههههه
و ياقرائنا الاعزااااء من هني و تزووجت ساره ساالم و ربت ولد سالم و صارت ام مثل ماكانت تتمنى وعاااشت احلى حيااه ويا احلى حب عااشته

واتمنى عجبتكم الروايه وعلى فكره هاي روايه حقيقه



-


.3.3 .3.3 
 
الرجوع الى أعلى الصفحة اذهب الى الأسفل
http://morhgin.mam9.com
قناص القلوب
مُرأإهٍقهه خَـإأرٍقهه
مُرأإهٍقهه خَـإأرٍقهه
قناص القلوب

ذكر مسآهمآتڪ : 62
منْ عرفڪ علينـآ : من الــــنـــــت
تقييمڪ : 2
تاريخ تسجيلڪ : 22/11/2011
عـمرڪ : 25
بلـدڪ : سعوودي وعايش ف السلطنة عماااااان
MMŜ :

مُساهمةموضوع: رد: عرفته وحبته وعشقته و ماتت فيه من لعبه    الإثنين ديسمبر 26, 2011 4:41 pm

وااااااااو رواييه مرره حلووة

يسلموووووووو
الرجوع الى أعلى الصفحة اذهب الى الأسفل
 
عرفته وحبته وعشقته و ماتت فيه من لعبه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مجتمعع مرآهقآت ® | آقلام تتألق في سماء الابداع :: آلمنتدى آلآدبي :: آلرًوأيأتً وَالًقصصَ |αℓяσαɪατ σαℓqss-
انتقل الى: